Es vòts a favor des Conselhèrs de Convergéncia Democratica permeten era aprobacion des pressupòsti deth Conselh.

Damb es vòts a favor de Convergéncia Democràtica Aranesa e era abstencion des Conselhèrs de Unitat d’Aran- Partit Socialiste de Catalunya e PRAG, eth Plen deth Conselh aprovèc es pressupòsti d’enguan.

En aguesti pressupòsti de mès de 27,5 milions d’èuros, eth Govèrn d’Aran (CDA_PNA), destine eth 54% deth pressupòst entà Salut e Benèster Sociau entot inclodir era partida entara execucion deth projècte e direccion d’òbra dera naua residéncia geriatrica qu’eth Conselh prevé bastir en Les, era finalizacion des òbres previstes en Espitau, era contunhitat des programes de càncer.. eca.

Foment Torisme Val d’Aran aurà un 5% mès de  pressupòst en tot arribar as 635.080 €

Entà neteja e manteniment de camins, sendèrs e accési a nuclèus urbans i a prevista ua partida de 568.000 €.

En Cultura 60.000 € entara edicion de libres de tèxte e culturau en aranés,  e era inversion en auviatge de 105.000€ entara melhora de glèises.

Eth Sindic, Carlos Barrera a remercat “qu’aguesti pressupòsti dan responsa ara politica de traspassi entre eth Conselh e era Generalitat, e qu’ara sonque demore acordar eth nau modèl de finançament entà Aran talament coma prevé era Lei d’Aran”