Eth pròplèu dimenge dia 8 de junh, Convencion Nacionau de Convergéncia Democratica Aranesa

Eth dimenge dia 8 de junh Convergéncia Democratica Aranes- Partit Nacionaliste Aranés celebrarà era sua Convencion Nacionau ena qu’ei prevista era aprobacion des linhes estrategiques, ideologiques e programatiques der Aranesisme Modèrn, en un document titulat “Aran, un pas entà deuant. Camin der Aranesisme Modèrn”.

Aguest document prevé dètz propòsits estrategics enes que s’a de sustentar eth nau aranesisme deth segle XXI, e d’entre aguesti dètz punts, n’i a un d’especific sus eth debat soberaniste e nacionau catalan que serà “Un Aranesisme nacionau de pacte e en Catalunya”.

Des de CDA-PNA auem era volentad de qu’aguest document compde damb era maxima participacion de toti, autant des ciutadans, coma des empresaris, associacions, partits politics, eca… Volem que toti pogatz hèr es vòstes aportacions e entad açò podetz consultar-o ena web www.aranesisme.org.

Aguestes aportacions les auetz d’enviar per corrèu electronic ara adrèça cda@convergencia-aranesa.org, preferentament abantes deth dia 5 de junh, tot e que tanben les poderatz presentar dirèctament eth madeish dia 8 de junh, dempús dera presentacion publica deth nomentat document.

Creiguem qu’entà Aran e tàs sòns abitants aguest ei un moment decisiu, e desiram que toti en pogatz formar part, per aquerò mos platz convidar-vos ad aguesta Convencion Nacionau eth pròplèu dimenge dia 8 de junh a compdar des 9,30 deth maitin en Era Audiovisuau de Vielha, e que compdarà damb era participacio de Carlos Barrera, President de CDA e Síndic d’Aran, d’Alex Moga, Secretari Generau de CDA e Alcalde de Vielha e Mijaran e de Josep Rull, Secretari d’Organització de CDC.

Programa Convencion Nacionau de CDA

ARAN, UN PAS ENTÀ DEUANT. CAMIN DER ARANESISME MODÈRN”

09.30.- Acreditacions

10.00.- Presentacion deth document dera Convencion “Aran, un pas entà deuant. Camín der aranesisme modèrn” per part deth Secretari Generau Alex Moga.

11.00.- Dubertura deth 2au. plaç de presentacion d’esmenes ath document

11.00.- Debat dubèrt a toti es assistenti, tamb torn de paraula

11.30.- Pausa (Café)

12.00.- “Era Val d’Aran, deuant des naui rèptes”, per part deth President de CDA e Sindic d’Aran, Carlos Barrera.

12.00.- Finalizacion deth 2au. plaç de presentacion d’esmenes ath document dera convencion

12.45.- Aprobacion, se procedís, deth document programàtic dera Convencion Nacionau.

13.00.- Clausura dera Convencion Nacionau de CDA-PNA, “Aran,un pas entà deuant”, per part deth Sr. Josep Rull, Secretari d’Organització de CDC, deth Sr. Carlos Barrera, President de CDA-PNA e Sindic d’Aran e deth Sr. Alex Moga, Secretari Generau de CDA e Alcalde de Vielha e Mijaran.

Vos i demoram a toti.