Istòria

Convérgencia Democratica Aranesa – Partit Nacionaliste Aranes (CDA-PNA) siguec fondat eth 30 de març de 1995. Abantes dera sua fondacion, eth projècte politic nacionalista s’auie artenhut a trauèrs de d’autes estructures coma COALISION ARANESA.

Dempús de 16 ans d’existéncia, CDA-PNA, a estat era formacion politica qu’a liderat es institucions deth País. Atau, en Conselh Generau d’Aran des der an 1995 enquiath 2007 e era lèu totalitat d’Ajuntaments e Entitats Municipaus Descentralizades deth País.

En an 2007, se celebrèc eth Ièr. Congrés de CDA-PNA e s’iniciè ua renovacion deth projècte politic e des estructures intèrnes deth partit, en tot escuélher a Carlos Barrera, coma President de CDA-PNA en substitucion de José Luis Boya González que l’auie presidit des dera sua fondacion.

A condar deth Congrés de CDC en an 2008, Convergéncia Aranesa, renauís eth sòn pacte polític tamb Convergència Democràtica de Catalunya (CDC). En aguesta linha, s’incorpòre de plen dret un membre de CDA-PNA en Comitè Executiu Nacionau (CEN) de CDC.

En an 2009, Convergéncia Democratica Aranesa-PNA, aprovèc per unanimitat, eth renauiment dera imatge deth partit.

En an 2011, s’a creat era seccion de JOENI de CDA-PNA, qu’an coma objectiu principau arténher ua participacion activa en partit, en tot ajudar a crear eth projècte polític de CDA-PNA des dera vision des besonhs e mancances qu’eri madeishi patissen en tot ajudar a qu’eth partit se renauisque constantaments.

Es eleccions municipaus e ath Conselh Generau d’Aran deth 22 de mai de 2012, dan a Convergéncia Aranesa eth mès ampli exit electorau des dera sua fondacion. S’artenhec guanhar per majoria eth Govèrn d’Aran, eth Govèrn Municipau deth caplòc d’Aran (Vielha e Mijaran) , es Govèrns Municipaus de Naut Aran, Es Bòrdes, Bausen, Arres e Vilamòs.

Tanben se guanhe en lèu totes es EMD d’Aran: Arró, Aubèrt, Arròs e Vila, Vilac, Casau, Gausac, Betren, Escunhau e Casarilh, Arties e Garòs, Tredòs e Gessa.

Coma conseqüéncia d’aguesti resultats municipaus artenhudi, CDA-PNA, obtén era plaça de Deputat Provinciau.

En 16au Congrès de CDC se consolide era representacion de CDA (1 membre en Comitè Executiu Nacionau, 4 Conselhèrs Nacionaus, 5 membres en Executiu de Federacion deth Pirinèu) enes cargues de CDC e a mès s’artenh un membre ena Comission Nacionau de Politica Municipau.