LES, SALARDU, VIELHA E BOSSÒST CELÈBREN ES SUES HÈIRES DETH BESTIAR

Un an mès, es pòbles de Les, Salardú, Vielha e Bossòst se premanissen entara celebracion des sues tradicionaus Hèires deth Bestiar e enes qu’ath delà dera part ramadèra tanben i trobam era part comerciau.

Eth diuendres dia  6 d’octobre se celebrarà era de Les, damb era arribada deth bestiar e dempús un esdejoar popular.

Eth dissabte dia 7 , serà Salardú qui mos acuelherà damb era sua Hèira ena qu’ath delà d’esdejoar popular, tanben se celebrarà eth XIV Concors Morfologic Comarcau d’eth “Shivau Pirenenc Catalan”. E ena tarde ath delà d’actiuetats diuèrses compdarà damb un concèrt d’Alidé Sans ena tarde  e un Balh popular ath ser.

Eth dimenge dia 8, Vielha celebrarà eth sòn XXXIau. Concors de Bestiar, entot aufrir tanben un esdejoar popular, e pendent tot eth dia es marchants damb tot tipe de marchandises aumpliràn es carrèrs deth pòble.

E entà barrar era tempsada de Hèires, era de Bossòst que se celebrarà eth dissabte dia 28 d’octobre, entot coincidir tanben damb era celebracion d’Era Mongetada.