Inauguracion Aran Park

Eth parc de visualizacion de fauna Aran Park, plaçat en pòrt deth Portilhon de Bossòst dejà ei ua realitat. A compdar deth proplèu 13 d’Abriu, aguest espaci naturau serà disponible entàs visitaires.
Aguest parc preten èster ua naua aufèrta toristica entà tota era Val d’Aran, ena quau i an participat es diuèrsi govèrns deth Conselh Generau d’Aran e der Ajuntament de Bossòst pendent es dètz ans qu’an estat de besonh entà que podesse veir era lum.
Aguest parc, dirigit per Serge Mounard, serà inaugurat eth proplèu 12 d’Abriu entà toti es visitaires, a on se pòden veir ua bona preséncia d’especies animaus autoctònes. Destaquen es ossi e es lops coma reclams d’Aran Park que viueràn en semi libertad, mès tanben i aurà un espaci fòrça ample entà poder gaudir dera flòra dera Val d’Aran.

Aran Park a estat possible gràcies ara entesa entre es diuèrsi govèrns des administracions publiques, e ara collaboracion des vesins deth pòble de Bossòst qu’an cedit es sòns terrens e tèrres entà poder crear aguest parc.

Era prevision de visitaires entath prumèr an ei de 20.000 persones e es dus següents de 50.000 persones. Es installacions d’Aran Park an setze ectares e inclodiràn un centre d’interpretacion, ua botiga, ua aula d’aprendissatge, un restaurant e ua zòna de picnic.