ARAN COMMEMÒRE ETH DIA INTERNACIONAU DERA HEMNA

Damb motiu dera commemoracion deth DIA INTERNACIONAU DERA HEMNA, se celebraràn en Aran un seguit d’actes ath long de tota era dimenjada.

Es actes començaràn aué diuendre dia 8 tàs 11 deth maitin damb era lectura deth manifèst en Conselh Generau d’Aran e presentacion deth vidèu “Èm Visiblas”.

Tàs 12 deth meddia ena Plaça dera Glèisa de Vielha  eth Sindicat d’Estudiants der Institut d’Aran a prevista era celebracion d’un acte contra era violéncia masclista e en defensa des sòns drets.

Entàs 18:00 ores. En Era Audiovisuau de Vielha i aurà ua “Charrada Feminista” damb intervencions diuèrses, testimònis e aportacions dera Joenessa, organizada peth collectiu Taula per Aran e peth Sindicat d’Estudiants der Institut d’Aran.

Es actes contunharan eth dissabte dia 9 tàs 17 ores en Palai d’Espòrts de Vielha damb un talhèr de circ e acrobàcies entara mainadera.

Tàs 18 ores. Chicolatada Solidària entà arremassar sòs tara investigacion deth càncer infantil, en collaboracion damb era AMPA dera Escòla Garona

Tàs 18:30 ores. Espectacle “El somni de la Lluna” a cargue dera associacion de circ Ntlades.

Eth dimenge se celebrarà er acte mès important d’aguestes celebracions, era 6au. edicion dera Corsa dera Hemna.

Es inscripcions se pòden hèr on line, o ben presenciauments de 17 a 20 ores en Conselh Generau eth diuendres dia 8 e eth dissabte dia 9.

Era corsa gesserà eth dimenge dia 10 entàs 11 deth maitin, dera Plaça d’Aran.