Aran realize un estudi de contaminacion acustica ena N-230

Era N-230 ath sòn pas per Aran compdarà damb un estudi de contaminacion acustica.

Aguest estudi se harà en dues fases, era prumèra sense trafic de camions e era dusau damb eth trafic abituau de camions, mejançant un sonomètre plaçat en Aubèrt

Era prumèra fase dejà a començat en tot profitar er hèt de que des deth mes de deseme eth transit de camions ei restringit pes òbres que se hèn ena carretèra francesa ath sòn pas per Saint Béat, e era dusau se realizarà tant lèu se restablisque eth trafic de camions.

Finalizades es dues fases d’aguest estudi realizat peth Conselh Generau d’Aran damb es tecnics dera Direcció General de Qualitat Ambiental i Canvi Climatic dera Generalitat de Catalunya, se compararàn entà poder préner es mesures de besonh.

 

Foto: Conselh Generau d’Aran