Carlos Barrera s’amasse damb eth President dera Generalitat de Catalonha

Eth President de Convergéncia Aranesa e Sindic d’Aran , Carlos Barrera, s’amassèc en Barcelona damb eth President dera Generalitat de Catalonha, Quim Torra, qui se mostrèc fòrça interessat pes ahèrs d’Aran, atau coma era volentad per part dera Generalitat de complir damb eth desvolopament dera Lei d’Aran.

Anterioraments ad aguesta amassada, se celebrèc ua session dera comission negociadora deth nau modèu de finançament entà Aran, integrada peth Sindic Carlos Barrera, peth Vicesindic César Ruiz-Canela e eth pòrtavotz dera oposicion en Conselh d’Aran, Francés Boya, ath delà des tecnics deth govèrn aranés  pes responsables deth Departament d’Economia dera Generalitat.

En aguesta amassada eth Sindic d’Aran exposèc era prepausa deth Conselh Generau d’Aran, que, entre d’auti, vò recuperar era partida entad exercici der autogovèrn, qu’anterioraments se didie de politiques pròpries, e qu’ei frut der estudi encargat en 2014 peth Conselh Generau d’Aran ara Universitat de Barcelona (UB). Era pròplèu amassada sus eth nau modèl de finançament entà Aran s’a fixat entath pròplèu 20 de deseme