Celebracion dera Hèsta d’Aran

Aué dia 17 de junh celebram era nòsta Hèsta Nacionau, era Hèsta d’Aran, ena que se commemòre era restitucion deth Conselh Generau d’Aran e era recuperacion des nòsti drets e privilègis. Es prumères eleccions ath Conselh Generau d’Aran se celebrèren eth 17 de junh de 1991.

Es actes de celebracion començaràn entàs 10.00 ores damb era recepcion deth sindic d’Aran Carlos Barrera a totes es autoritats e convidadi ena sedença institucionau deth Conselh Generau d’Aran e era desfilada des pendons amiadi pes representants de cada terçon enquiath Santuari dera nòsta Senhora de Mijaran.

Entàs 11.00 ores se celebrarà era missa solemna en Santuari dera nòsta Senhora Mijaran. Es actes acabaràn damb era issada dera bandèra a cargue des Pompièrs d’Aran damb er Imne d’Aran (Montanhes Araneses), parlaments e dances araneses en es Roïnes der antic Santuari de Mijaran.