Era conselhèra de Torisme, Comèrç e Consum assitís ar acte de liurament des Guardons deth Torisme de Catalonha

Era Generalitat liure es Guardons de Torisme de Catalonha 2012

Era Generalitat de Catalonha distinguic eth passat deluns, dia 26 de noveme, damb es Guardons deth Torisme de Catalonha 2012 era trajectòria de 18 professionaus, empreses e entitats deth sector toristic. Eth president dera Generalitat en foncions, Artur Mas, acompanhat deth conselhèr d’Empresa e Aucupacion en foncions, F. Xavier Mena, presidic er acte de liurament dera 27au edicion des Guardons deth Torisme de Catalonha en Palai dera Generalitat. Ar eveniment tanben assistiren era directora generau de Torisme, Marian Muro, era conselhèra de Torisme, Comèrç e Consum deth Conselh Generau d’Aran, Anna Díaz, eth director dera Agéncia Catalana de Torisme, Xavier Espasa, e ua ampla representacion deth sector toristic.

Era Generalitat de Catalonha arreconeish annauments damb es Guardons deth Torisme era contribucion, er esfòrç e eth prètzhèt de persones, empreses e entitats en favor deth desvolopament deth torisme en Catalonha. Enguan, s’autrejat era Placa d’Aunor deth Torisme ara Junta dera Construccion deth Temple Expiatori dera Sagrada Familha de Barcelona, 6 medalhes toristiques e 10 diplòmes toristics. Ath delà, en acte, era Generalitat tanben dediquèc ua reconeishença especiau, a títol pòstum, a Joan Carles Vilalta, exdirector generau de Torisme entre 2006 e 2010.