Era nòsta companha Merche Delaurens, mos a deishat.

Aué 16 de mai un dia polit e damb solei, s’a tornat fosc e trist.

Era nòsta companha e amiga Merche Delaurens mos a deishat, sense que cap de nosati mos ac demorèssem.

Pendent es 8 ans (1999-2003 / 2003-2007) qu’aucupèc eth sòn cargue coma Conselhèra de Cultura e Educacion, de Sanitat  e de  Benèster Sociau e Familha, Merche sagèc tostemp de trapar çò de melhor, sense estauviar esfòrçi entà artenhe’c.

Pendent toti aguesti ans qu’auem compartit damb era eth nòste projècte de melhorar era Val d’Aran e era vida des aranesi, era siguec ath capdeuant d’un corròp d’ahèrs qu’ath delà d’esdevier coma rèptes professionaus, tanben en siguéren personaus.

Serie eth moment de descríuer, e díder, e explicar mil ahèrs, sensacions e situacions que viérem amassa, mès tanben vos digui qu’en aguesti moments non çò capable de trobar es paraules entà hè’c.

Des de çò més prohond deth mèn còr, voi des d’ací arregraïr tot çò que Merche a representat autant entà nosati, es que compartirem damb era eth projècte de País ath lomg des ans coma Conselhèra, autant coma entàs persones que formam era familha de Convergéncia Aranesa.

Tot eth nòste mès sentit dò ara sua familha e amics.

 

Carlos Barrera Sánchez

President de Convergéncia Aranesa.