Eth Conselh desencadene lauegi en Pòrt dera Bonaigua

Eth Centre de Lauegi deth Conselh Generau d’Aran a desvolopat pendent aguesti dies eth desencadenament preventiu de lauegi en Pòrt dera Bonaigua (2.072 mètres) entà facilitar era dubertura dera carretèra C–28, via de comunicacion damb eth Pallars.

Es explosions controtlades s’an realizat a trauèrs der aparelh Daisy Bell.

Er aparelh, se transpòrte en elicoptèr e un viatge plaçat apròp dera superfícia dera nhèu provòque ua explosion d’idrogèn e oxigèn en tot provocar un laueg.

“Era Val d’Aran ei pioner en tot er Estat ena realizacion d’ua prediccion locau de lauegi e ena utilizacion deth Daisy Bell” a manifestat Carlos Barrera, sindic d’Aran.

Ath long dera sason se hè un seguiment contunhat deth perilh de lauegi tant en Pòrt dera Bonaigua, a on s’utilize aguest aparelh, coma ena carretèra de Beret. Tamben se hè un seguiment contunhat en d’auti punts de risc coma es accèssi ath Tunèl de Vielha e d’auti punts vulnerables potenciauments afectadi per lauegi.