Eth Conselh Generau d’Aran subvencione es minjadors escolars e eth transpòrt extraescolar

Eth Govèrn deth Conselh Generau d’Aran a signat damb es AMPEs des pòbles d’Arties, Salardú, Les, Gessa e Bossòst es convènis pes quaus se subvencione es minjadors escolars. Er objectiu d’aguesti acòrds ei “ajudar as escòles d’aguesti pòbles a mantier es sòns servicis e, contribuir atau ara conciliacion laborau des familhes”, segontes a manifestat era conselhèra de Torisme, Comèrç e Consum, Anna Díaz.

Era escòla de Vielha e er Institut d’Aran compden damb un servici de minjador escolar, que tanben subvencione era maxima institucion aranesa per miei deth finançament que li transferís eth Departament d’Ensenhament dera Generalitat de Catalunya.

Ath delà, eth Govèrn d’Aran seguirà finançant eth transpòrt extraescolar, adreçat a totes es escòles e ar Institut d’Aran, “pensam qu’ei fòrça important garantír qu’es alumnes poguen hèr gessudes d’aprenedisatge dehòra dera Val d’Aran e entenem que pera situacion geografica ei important facilitar as escòles es mieis de besonh”, a soslinhat era conselhèra Díaz.