Eth conselhèr de Territòri e Sostenibilitat dera Generalitat visite era Val d’Aran

Eth dissabte dia 25 d’agost visitèc era Val d’Aran eth conselhèr de Territòri e Sostenibilitat dera Generalitat de Catalunya, Damià Calvet, qui s’amassèc damb eth Sindic d’Aran e President de Convergéncia Aranesa Carlos Barrera e d’auti conselhèrs generaus e tecnics de miei ambient.

Es ahèrs tractadi siguéren diuèrsi e tanhenti as airaus de biodiversitat, urbanisme, infraestructures e abitatge: era retirada der os Goiat deth miei, es politiques d’abitatge de loguèr accessible, era melhora der elipòrt dera Val d’Aran entà assegurar era sua operativitat es 24 ores deth dia e ua actuacion d’urgéncia en Valarties entà esvitar qu’eth materiau en suspension procedent der esbaussament deth passat mes de mai, enlordisque er arriu Garona en tot eth sòn recorrut des d’Arties, damb eth perilh qu’açò represente entara fauna icticola der arriu.

 

+ info en http://www.conselharan.org/es/reunion-del-sindic-daran-con-el-conseller-de-territori-i-sostenibilitat-damia-calvet/

Foto: Conselh Generau d’Aran