Eth projècte “Piramide de còrda” guanhador de Rèpte Aran 2018

Seishant alumnes de 3au d’ESO der Institut d’Aran an format part des equips qu’an participat ena edicion de Rèpte Aran 2018, en tot presentar tres projèctes diferenti: Banc de temps solidari, Piramide de Còrda e Pumptrack-parc de ròdes.

Repte Aran ei ua prepausa que cerque estimular er esperit innovador des adolescents e joeni dera Val d’Aran a compdar des besonhs deth territòri en matèries diuèrses. Es equips formadi entre 3 e 5 alumnes, auien de generar un projècte de melhora restacada ara solidaritat, era educacion, eran tecnologia, era ecologia, eth benèster, era cultura o ar espaci public ena Val d’Aran.

Es votacions publiques se barrèren eth dia 19 de deseme, e eth resultat dèc coma projècte guanhador eth deth dera “Piramide de CÒrda”, que s’amiarà a tèrme ath long d’aguest mes de gèr.

Eth projècte Rèpte Aran a compdat damb era collaboracion dera Oficina de Joenessa deth Conselh Generau d’Aran, er IES d’Aran, eth Grèmi d’Ostalaria dera Val d’Aran, Combinats e era Fondacion Goteo e er equip guanhador gaudirà de dues nets en Otèl Cesar Augusta de Cambrils pendent eth mes de mai.

Info e Foto: Conselh Generau d’Aran.