Eth Servici d’Atencion Primària der Espitau Val d’Aran se plaçaràn en un nau edifici.

Eth Conselh Generau d’Aran projècte eth bastiment d’un nau edifici annèx ar Espitau Val d’Aran en eth que se prevé plaçar-i es servicis d’Atencion Primària e que serà connectat damb er espitau pera sala de demora actuau e tanben soterranhaments, atau coma  damb era Residéncia Sant Antòni.

Aguest projècte s’inclodís ath laguens dera naua estructura der Espitau Val d’Aran, dempús deth nau plaçament des servicis administratius e eth bastiment d’un sudau quiròfan, era reforma der actuau e eth traslat deth laboratòri e der airau d’analitiques.

Eth projècte tanben contemple era ampliacion deth Servici de Radiodiagnostic en eth que se prevé era installacion d’un aparelh de Resonància Magnetica Nucleara en tot perméter agranir e reorganizar er airau d’Urgéncies.