FÒRÇA GRÀCIES A TOTI ES QUE MOS AUETZ DAT ERA VÒSTA CONFIDANÇA

Coma tostemp dempús dera jornada electorau, volem arregraïr a toti e a totes era confidança e eth vòt depositat enes candidatures de Convergéncia Democratica Aranesa – PNA, e tanben felicitar ara formacion guanhadora d’aguestes eleccions en tot desirar-li aunestetat ena gestion e sustot compliment des compromisi e promeses electoraus hètes.
Tanben dar era benvenguda des de Convergéncia Democratica Aranesa – PNA as naues formacions politiques qu’an artenhut representacion enes institucions d’Aran.
Es elèctes de Convergéncia Democratica Aranesa – PNA que preneràn possession deth sòn cargue autant a nivèu municipau coma en Conselh Generau d’Aran ac haràn coma tostemp, damb er absolut compromís damb es ahèrs tanhenti as vesins e vesies e ath País.
Coma partit, des de Convergéncia Democratica Aranesa – PNA, haram ua oposicion constructiua e seram atenti ath compliment des compromisi e promeses hètes pes auti partits.
Nauaments fòrça gràcies a toti e a totes pera vòsta confidança.

Carlos Barrera Sánchez

President de CDA-PNA