Implantacion deth nau Plan Integrau d’atencion domiciliària entara gent grana.

Era Val d’Aran ei eth prumèr territòri de Catalonha en implantar eth nau Plan Integrau d’atencion domiciliària entara gent grana, e que coordinarà es recorsi entre es Servicis de Salut e es d’Ahèrs Sociaus entara melhor atencion domiciliària as persones granes.

Atau ac anoncièc eth Secretari d’Ahèrs Sociaus e Familhes dera Generalitat de Catalonha.  Pera sua part, Carlos Barrera qualifiquèc de “fòrça importanta aguesta naua vision des servicis sociaus e dera atencion as persones granes, pr’amor qu’ena Val d’Aran sabem qu’era gent grana a eth desir de contunhar en tot víuer enes sues cases, mès damb ua bona atencion sòci-sanitària”