Luis Carlos Medina Modroño presente era sua dimision des sòns cargues en Conselh Generau d’Aran

Luís Carlos Medina Modroño,  a presentat era sua renóncia des sòns cargues de Vicesindic Prumèr e Conselhèr de Joenessa e Espòrts deth Conselh Generau d’Aran.

En declaracions Luis Carlos Medina manifestèc “qu’aguesta ei ua decision fòrça meditada e complicada de préner, mès que la preni per motius personaus”, en tot arregraïr a toti es qu’an compartit damb eth aguesti sèt ans e miei de vida politica, eth sòn supòrt e collaboracion.

Pera sua part,  Carlos Barrera, President de Convergéncia Aranesa e Sindic d’Aran , a declarat que des deth partit se respècte totalments era decision presa per Luis Carlos Medina en tot arregraïr er esfòrç e eth trabalh desvolopat per Luis Carlos enes sòns cargues en partit e en Govèrn d’Aran, pendent aguesti ans.

Era persona que substituirà a Luis Carlos Medina en cargue de Conselhèra d’Arties e Garòs en Conselh Generau d’Aran, serà Mª Angels Ordax, vocau de Garòs  e Vicepresidenta de Convergéncia Aranesa.