Mercat d’Artesans entà Sant Jordi

Damb motiu dera Jornada de Sant Jordi ath delà des tradicionaus parades de ròses e libres, auem pogut gaudir enes cubèrts der Ajuntament de Vielha d’un mercat qu’a compdat damb era participacion d’ua quinzea d’artesans d’Aran.
Aguesta iniciatiua der Ajuntament de Vielha e Mijaran a agut ua grana acuelhuda de public e preten assolidar-se coma ua activitat mès laguens des actes d’aguesta jornada.
Aguest tipe d’accions son ua veirina entà apropar as nòsti artistes e artesans ath public e segontes declaracions der Alcalde der Ajuntament de Vielha e Mijaran, “er equip de Govèrn vò potenciar era participacion des madeishi en d’ autes Hèires e mercats que se realizen en nòste Municipi entà potenciar e fomentar era creacion d’aucupacion e er esperit emprenedor en marc d’ua màjer aufèrta de productes que mos identifiquen”.