Mès de 20 esportistes aranesi guardonadi entre es melhors der an 2017

Era Generalitat de Catalunya, en un acte celebrat en Pont de Suert, reconeishec as esportistes der Alt Pirineu e Aran, qu’an destacat ene sues respectiues disciplines pendent er an 2017, enes sues corresponentes disciplines.

Entre es guardonadi i trobam as esportistes aranesi:

  • Tòn Cónsul, premiat coma er esportiste destacat en espòrts d’iuèrs e coma melhor esportiste joena promessa masculina.
  • Club Curling Val d’Aran, integrat per: Jesús Manero, Héctor Manero, Adrián Manero, Marc Barés, Magdalena Vicente e Paula Escobar, que rebéren eth reconeishement per ascens der equip ara prumèra Categoria Nacionau e peth Campionat de Catalunya de Curling.
  • Anna Esteve, esquiadora deth CEVA coma melhor promesa femenina en esquí aupín.
  • Atau coma ara rèsta d’esportistes : Lydia Iglesias, Maria Iglesias, Júlia Bargalló, Marta Cester, Pol Salvat, Marta Moreno, Àlex París, Ares Capdevila, Martí Alonso, Aina Masip, Eugènia Brotons, Lisa Vallcorba e Andreu Perdices. 

Des 75 guardons individuaus, 39 corresponen a esportistes masculins e 36 a femenines, de 20 clubs e entitats  (CEGVA, ANEC, CAEI, FCB, CEVA, AISC, Club Voleibòl Sant Pera i Sant Pau), 16 des quaus deth madeish territòri der Alt Pirineu e Aran.

Er acte presidit peth Secretari Generau der Espòrt dera Generalitat, Gerard Figueras, compdèc tanben damb era presencia dera conselhèra de Torisme e Desvolopament Economic deth Conselh Generau d’Aran, Anna Díaz, ath delà dera delegada deth Govèrn, Rosa Amorós, er alcalde de Pònt de Suert, Josep Antoni Troquet, eth representant territoriau d’Espòrts, Joan Segura, eth President deth Consell Comarcal de l’Alta Ribagorça, Josep Lluis Farrero e eth director generau de Politiques de Muntanya i del Litoral, Albert Alins, entre d’autes autoritats