Ena Junta de Govèrn celebrada eth passat dia 12 d’abriu se resolec eth liurament des dues bèques universitàries d’investigacion “Fradin de Vielha” convocades per Ajuntament de Vielha e Mijaran per impòrt de 2.000 €.
Cossent damb es critèris d’avaloracion establits ena convocatòria e en tot auer en compde que sonque se presentèc ua sollicitud, era pròpia Junta de Govèrn actuèc coma jurat en tot avalorar positivament era prepausa presentada peth Sr. Jordi Riu Aunós ara bèca en camp dera “Economia dera identitat”
Er objectiu d’aguesta bèca ei arténher ua prepausa de modèl economic que sigue capable de trabalhar sus era basa dera identitat deth nòste territòri, coma País e coma element dinamizador dera economia locau, en tot definir coma cau desvolopar ua estrategia qu’avalore era nòsta identitat culturau coma basa solida entà obtier melhors resultats enes mercats, ath delà de prepausar inversions en capitau fiscau, sociau e culturau deth nòste País.
Era bèca dera tematica “Vielha, centre internacionau d’òci des Pirenèus” a demorat desèrta pr’amor que non s’a presentat cap prepausa.