Trabalhs de conservacion e manteniment en pistes forestaus

Pendent aguesta setmana contunharàn es trabalhs de conservacion e manteniment enes pistes d’accés as espacis naturaus d’Aran.

De deth Conselh Generau d’Aran se contunhe damb era conservacion e melhora enes accesi as espacis naturaus d’Aran.

Era prevision e es oraris des talhs pendent aguesta setmana deth 15 ath 19 d’octobre ei:

Era pista de St. Joan, de Varradòs entà Vilamòs demorarà talhada pendent es 24 ores deth dia de deluns a diuendres.

Era pista de Varradòs, deth horcadís d’Arròs enquia Bòrdes dera Artiga, aurà talhs puntuaus deluns e dimars d’entre 10 menutes e un quart d’ora de durada, e de dimèrcles a diuendres era pista demorarà talhada de 8:00 a 13:00 e de 14:30 a 19:30 ores.

Es pistes dera Artiga de Lin, deth Pònt deth Còc ath parcatge dera Ermita e enquiath Plan dera Artiga demoraràn talhades de 8:00 a 13:00 e de 14:30 a 19:30 ores de deluns a diuendres.

Era pista de Mina Victoria, d’Arres de Sus ara Bassa d’Arres serà talhada deluns e dimars de 8:00 a 13:00 e de 14:30 a 19:30 ores, e de dimèrcles a diuendres aurà talhs puntuaus d’entre 10 menutes e un quart d’ora de durada.

Era pista de Mina Victoria, dera Bassa d’Arres entà Bossòst aurà talhs puntuaus d’entre 10 menutes e un quart d’ora de durada, de deluns a diuendres.

Era pista de Valarties, deth Pònt de Valarties ath Plan de Nera, demorarà dubèrta tota era setmana.

Dissabte e dimenge es pistes seràn dubèrtes ara circulacion de manèra normau. Veir grafic adjunt

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.

 

Info: Conselh Generau d’Aran